Datum:

Prediker:

Skrifgedeelte:

Tema:

Boodskap: 1. JY IS DIE SWAKSTE SKAKEL. TOTSIENS! DIS DIE WOORDE UIT DIE PROGRAM: THE WEAKEST LINK. JY HOOR DIT AS JY UITGESTEM WORD DEUR ANDER. NIE LEKKER WOORDE OM TE HOOR NIE. NIE GOED OM TE HOOR DAT JY DIE SWAKSTE SKAKEL IS NIE. ONS SIEN SULKE TONELE NOGAL BAIE OM ONS VANDAG. ONS VOEL SOMS SO OOR ONS SPORTSPANNE. SWAK! ELKE SATERDAG IDENTIFISEER ONS DIE SWAK SKAKEL IN DIE SPAN WANNEER HULLE OP DIE VELD IS. DIS DIE EEN WAT MET SY GEBREK AAN SPEL VEROORSAAK DAT DIE SPAN SWAARKRY OF VERLOOR. WANT ONS LEWE MOS IN ‘N WERELD VAN WENNERS. IN SO ‘N WERELD MOET DIE SWAKSTE SKAKELS VERWYDER WORD, WANT HULLE TREK DIE ANDER AF. 2. ALLES GAAN MOS OOR WEN. DIS HOEKOM ONS DEELNEEM. ONS WIL WEN! NIEMAND DRAF OP DIE VELD EN BESLUIT “EK KAN NIE WAG OM VANDAG TE VERLOOR NIE!”. 2. EK IS NOG BY KERSFEES. VERGEWE MY MAAR DIT GAAN HEELTEMAL TE VINNIG VERBY NA MY SIN. DIE KERSVERHAAL VERTEL DIE STORIE BIETJIE ANDERS. OP KERSDAG WORD SWAK SKAKELS NUTTIGE SKAKELS IN GOD SE KONINKRYK. NIE OM WENNERS EN VERLOORDERS TEENOOR MEKAAR AF TE SPEEL NIE. NEE, DAAR IS GEEN SPRAKE DAARVAN IN DIE BYBEL NIE. ARMES IS NIE BETER AS RYKES NIE. OF RYKES AS ARMES NIE. NEE, RYK EN ARM IS BY JESUS WELKOM. OF JY NOU ABRAM DIE SKATRYK BYBELSE VEEBOER IS, OF DIE ARM LASARUS WAT VAN KRUMMELS VAN ANDER SE TAFELS AF MOET EET; GOD IS GOD VAN ARMES EN RYKES, AANSIENLIKES EN ONAANSIENLIKES. IN BESONDER, DIE GOD VAN HULLE WAT IN CHRISTUS GLO AS VERLOSSER EN HERE. 3. MAAR LUKAS VERTEL VIR ONS VAN 'N SWAK SKAKEL. DIE SWAK SKAKEL WAARVAN LUKAS ONS VERTEL SE NAAM WAS SAGGEUS. DIS DIE VERHAAL VAN DIE KORT OUTJIE WAT IN ‘N BOOM MOES KLIM OM JESUS TE KAN SIEN. HY IS VANWEE SY BEROEP EN SY SKELMSTREKE DEUR SY EIE MENSE EENKANT TOE GESTOOT.........DIE SPREEKWOORDELIKE SWART SKAAP. KINDERS KAN MET HOM IDENTIFISEER. ALMAL KAN MET HOM IDENTIFISEER, VERAL AS JY ERENS IN JOU LEWE OP DIE KANTLYN UITGESTOOT IS. OF AS JY ERENS IN JOU LEWE DROOGGEMAAK HET EN NIE WEET HOE OM SAKE WEER REG TE STEL NIE. 'N SWART SKAAP IS MOS DIE EEN WAT MET DIE SLEGTE REPUTASIE, DIE EEN WAT DROOGMAAK, DIE EEN VAN WIE DIE RES VAN DIE FAMILIE NIE BAIE HOU NIE. AG, ELKE FAMILIE HET SO IEMAND. 3. NIEMAND IN JERIGO HET VAN SAGGEUS GEHOU NIE. HY WAS ONGEWILD EN DAARBY OOK SKELM. DALK IS HY AS KIND EENKANT GESTOOT. IRONIES GENOEG BETEKEN DIE NAAM “SAGGEUS” IETS SOOS “REIN” OF “SUIWER” OF “ONSKULDIG”. HY HET DALK ALLERHANDE BYNAME GEHAD WAT VASGESTEEK HET EN SEER IN SY BINNESTE VEROORSAAK HET. EN AS 'N MENS 'N SWARTSKAAP IS KOESTER JY SOMS WRAAKGEDAGTES. DAN DOEN JY ALLES OM MENSE UIT DIE PAD TE LOOP. SOOS SAGGEUS WAT TOLLENAAR WORD EN SY EIE MENSE INGELOOP HET. JA, SAGGEUS WAS ‘N KANTLYNMENS MET ‘N GEMIS IN DIE LEWE. 4. IRONIES GENOEG DOEN DIE TEKS MOEITE OM VIR ONS TWEE DINGE VAN SAGGEUS TE VERTEL. HY WAS RYK, MAAR HY WAS NIE GELUKKIG NIE. HOE KAN ONS DIT TOG NIE IN VANDAG SE LEWE SO MAKLIK MISVERSTAAN NIE? AS EK NET DIE LOTTO WEN GAAN EK GELUKKIG WEES. NEE, JY GAAN DALK RYK WEES, MAAR DIT BETEKEN NIE JY GAAN GELUKKIG WEES NIE. KOM ONS LEER DIT VAN SAGGEUS VANOGGEND SO TERLOOPS. DIS DIE TWEEDE KEEER IN 2 HOOFSTUKKE WAT LUKAS ONS WIL VERTEL DAT RYKDOM NIE GELUK BRING NIE. IN HFST 18 HET HY DIT GEDOEN DEUR DIE VERHAAL VAN DIE RYK JONGMAN. 5. MAAR DIE MERKWAARDIGE VAN LUKAS SE KERSVERHAAL IS HOEVEEL KANTLYN MENSE DAARIN OPGENEEM IS. LUKAS IS DIE EEN EVANGELIE WAT DIE ARMES EN HONGERES EN SIEKES INSLUIT. WAT DIE BOODSKAP PROBEER OORDRA DAT JESUS GEKOM HET VIR DIE BENADEELDES, HULLE WAT NIE VIR HULLESELF KAN OPSTAAN NIE. DAAR WAS DIE ONVRUGBARE ELISABET IN LUKAS 1. KINDERS IS GESIEN AS TEKEN VAN GOD SE SEEN. DIT WAS VIR VROUE SWAAR OM ONVRUGBAAR TE WEES IN BYBELSE TYE. ONVRUGBAARHEID IS GESIEN AS STRAF VAN DIE HERE. SNAAKS, GEEN ONVRUGBARE MANS...ELISABET KON GEVOEL HET DAT SY HET HAAR DOEL IN DIE LEWE VERLOOR HET. KANTLYNMENS... 6. DAN WAS DAAR DIE JONG MEISIE MARIA - PAS ONGEVEER VEERTIEN JAAR OUD EN BUITE EGTELIK SWANGER. WEL DEUR DIE HEILIGE GEES, MAAR STEEDS BUITE EGTELIK. DIT MAAK HAAR DIE VOORWERP VAN SMAAD EN VERWERPING, SY KON SELFS MET DIE DOOD DEUR STENIGING GESTRAF WORD. SY NEEM OP ‘N JONG OUDERDOM TEGELYK ‘N GROOT LAS EN ‘N GROOT VERANTWOORDELIKHEID OP HAAR SKOUERS- DIE MOONTLIKE VERWERPING DEUR MENSE ALHOEWEL SY BEVOORREG IS OM CHRISTUS TE DRA. KANTLYNMENS... 7. IN LUKAS 2 WAS DAAR DIE SKAAPWAGTERS. VOORTVLUGTENDES EN UITVAAGSELS. MENSE WAT WOU WEGKOM VAN DIE GEREG HET DIKWELS SKAPE OPGEPAS. HULLE IS UIT DIE STAANSPOOR AS LEUENAARS BESKOU. WIE SOU TOG AAN HULLE AANDAG GEE? WIE SOU KON DINK DAT HULLE DIE EERSTES SOU WEES OM TE HOOR EN TE GETUIG: “DIE HEILAND IS GEBORE....” 8. DAN WAS DAAR DIE BEJAARDE PROFETES ANNA IN LUKAS 2:25. SY WAS ‘N WEDUWEE EN AL 84 JAAR OUD. WAT KAN MENS VERWAG VAN SO ‘N OU MENS, VRA IEMAND? ‘N WEDUWEE NOGAL? TOG IS SY ELKE DAG BY DIE TEMPEL, WAGTEND OP DIE MESSIAS WAT SOU KOM. KANTLYNMENSE... 8. EN DAN NATUURLIK OOK ANDER, LATER IN LUKAS SE EVANGELIE: OA DIE BESETENE VAN KAPERNAUM, DIE MAN MET ‘N GEBREKLIKE HAND, DIE VERLORE SEUN, DIE BLINDE MAN BY JERIGO, EN NATUURLIK DIE VOLKSVERRAAIER SAGGEUS. ALMAL KANTLYNMENSE, SWARTSKAPE...... OOK SOOS JESUS, DIE KANTLYN MENS, VIR WIE DAAR GEEN PLEK IN DIE BOVERTREK VAN DIE HUIS WAS NIE EN TOE IN DIE ONDERSTE VERTREK TUSSEN DIERE DIE LEWENSLIG MOES AANSKOU. MAAR VIR ELKE MENS HET JESUS SY LEWE OP GOLGOTA KOM AFLE..VIR ELKEEN MET SY KOSBARE BLOED KOM LOSKOOP. DIE SEUN VAN DIE MENS HET IMMERS KOM SOEK OM TE RED WAT VERLORE IS. 9. DIS MOS DIE BOODSKAP VAN KERSFEES!!!! JESUS HET GEKOM VIR KANTLYNMENSE, VERLORE MENSE, SONDAARS, GEBROKE MENSE. JA VIR JOU EN MY HET HY, DIE KANTLYN MENS, IN ‘N KRIP EN LATER IN ‘N GRAF KOM LE; SODAT ELKEEN WAT IN HOM GLO NIE VERLORE SAL GAAN NIE MAAR DIE EWIGE LEWE KAN HE. 10. EN U SAL ONTHOU DAT ONS GEDURENDE DIE PAS AFGELOPE KERSTYD BY VERSKEIE GELEENTHEDE VANUIT DIE EVANGELIE VAN LUKAS DIE GEBOORTEVERHAAL BESPREEK HET. WAT OPMERKLIK IS VAN LUKAS SE KERSVERHAAL IS DAT GOD ELKEEN VAN HIERDIE KANTLYNMENSE OORMAAK, NUUT MAAK....IN DIENS NEEM.. 10. DIE ONVRUGBARE ELISABET ONTVANG GENADE VAN DIE HERE EN WORD DIE MOEDER VAN JOHANNES DIE DOPER, DIE HERE JESUS SE WEGBEREIDER. DIE SKAAPWAGTERS, LEUENAARS EN DROOGMAKERS VAN DIE JAAR MOET HOOR, VIR JULLE IS DIE VERLOSSER VAN DIE WERELD GEBORE. DIE TIENERDOGTER MARIA MOET DIE GESKINDER VAN MENSE VERDRA, MAAR WORD DIE DRAER VAN DIE CHRISTUSKIND. SY GEE GEBOORTE AAN JESUS DIE VERLOSSER VAN DIE WERELD. SY WORD DEUR GOD VERHOOG. 11. DIE BEJAARDE ANNA WAT GETROU DIE EREDIENSTE BYGEWOON HET HAAR LEWE LANK, WORD IN HAAR HOë OUDERDOM DIE INSTRUMENT BY UITNEMENDHEID, WAT DIE VERLOSSINGSDADE VAN GOD VERKONDIG. DIE SWAK SKAKEL SAGGEUS, DIE SONDAAR SAGGEUS, VAL UIT DIE VYEBOOM TOT BINNE IN GOD SE KONINKRYK. JESUS HET HOM BEGENADIG. JESUS HET HOMSELF GENOOI OM BY SAGGEUS TE EET. SAAM EET DUI IN BYBELSE TERME OP GEMEENSKAP, AANVAARDING...DAARMEE WOU JESUS SE DAT DIT IS WAARVOOR DIE SEUN VAN DIE MENS OP KERSDAG GEKOM HET: OM TE SOEK EN TE RED WAT VERLORE IS. 12. ELKEEN VAN HIERDIE KANTLYNMENSE VIND SKIELIK NUWE SIN IN DIE LEWE. SAGGEUS. HY, DIE GROOT SKELM WAT SY EIE MENSE BY DIE TOLHEK INGELOOP HET, SE LEWE VERANDER HANDOMKEER, WANT JESUS HET BY HOM KOM TUISGAAN. NOU GAAN HY ANDERS LEWE. HY GAAN VIR DIE ARMES BEGIN SORG. HY IS WEER TUIS IN DIE VADERHUIS. DIT VUL HOM MET VREUGDE, DANKBAARHEID WAT OORGAAN IN DADE.. SAGGEUS SEEN DIE ARMES, DOEN RESTITUSIE, BETAAL TERUG...BEKERING.. 13. DIE TEKS SE DAT SAGGEUS GEHOOR HET HOE DIE MENSE BESWAAR MAAK DAARTEEN DAT JESUS BY ‘N TOLLENAAR TUISGAAN. MAAR TEEN HIERDIE TYD HET JESUS REEDS ‘N TOLLENAAR AS DISSIPEL GEHAD. DIE SKARE MOES NET OPGELET HET. EN DIE WOORD WAT GEBRUIK WORD VIR “BESWAAR MAAK” WORD IN DIE GRIEKSE WEERGAWE VAN DIE OT GEBRUIK VIR DIE KERE WAT ISRAEL GEKLA EN GEMURMUREER HET IN DIE WOESTYN. EN ONS WEET HOE GOD DAAROOR GEVOEL HET! 14. EN SAGGEUS HOOR DIT EN SY OPTREDE SPREEK VAN IETS IN SY LEWE WAT VERANDER: SY BELYDENIS SLUIT DIT IN WAT GOD VAN ELKE MENS OP AARDE VERWAG: BELYDENIS VAN SKULD EN SONDE, BEROU EN RESTITUSIE. EN JESUS VERKLAAR DAT VIR SAGGEUS EN SY HUIS HET DAAR REDDING GEKOM. 13. AS JESUS JOU TERUGVERWELKOM IN DIE VADER SE WONING, VERANDER JOU LEWE. JY HOEF NIE JOU WERK TE LOS NIE. GOD WORD, SOOS IN SAGGEUS SE GEVAL, DIE BESTURENDE DIREKTEUR VAN JOU SAKEONDERNEMING, JOU LEWE. BEKERING BETEKEN IMMERS DAT JOU LEWE ‘N NUWE RIGTING INSLAAN EN DAT JY REGMAAK WAAR JY VERBROU HET, RESTITUSIE DOEN, SOVER JY KAN. SOOS SAGGEUS... 14. ALMAL VAN ONS VOEL BY TYE SOOS KANTLYN MENSE. DIT MAAK NIE SAAK OF JY RYK OF ARM, GELEERD OF ONGELEERD IS NIE. RYKES VOEL SOMS SKULDIG OOR HUL GELD. ARMES VOEL BY TYE MAGTELOOS. DALK VOEL JY DAT JOU LEWE OM EEN OF ANDER REDE SINLOOS IS SOOS DIE VAN ELISABET. DALK VOEL DIT VIR JOU AS JONGMENS OF BEJAARDE DAT DIE LEWE HARDE HOUE UITDEEL. DALK HET JY NOG NOOIT BELEEF WAT DIT IS OM REGTIG TUIS TE WEES IN DIE VADERHUIS NIE. DALK IS JY NIE NET UITGESKUIF NIE, MAAR HAWELOOS, VERLORE IN JOU SONDE. 15. DIS KERSFEES. DIE GEKRUISIGDE, DIE OPGESTANE HERE JESUS CHRISTUS HET KOM SOEK NA VERLORENES, GEBROKENES, RANDFIGURE, RYKES EN ARMES. SOOS SAGGEUS GEHOOR HET, KAN JY IN HIERDIE TYD OPNUUT HOOR OF VIR DIE EERSTE KEER HOOR EN AANVAAR: VANDAG HET DAAR VIR JOU REDDING GEKOM. AANVAAR VANDAG OPNUUT GOD SE GROOTSTE KERSGESKENK. DIE LEWE KAN WEER VIR JOU SIN KRY. GOD BEGENADIG SWAK SKAKELS SOOS ELISABET, MARIA, DIE SKAAPWAGTERS, ANNA, SAGGEUS, JY EN EK, TOT STEUNPILARE IN SY NUWE WERELD. DIS DIE GOEIE NUUS VAN KERSFEES. JY MAG DIT MAAR GLO! 16. CHRISTUS HET KOM SOEK EN KOM RED WAT VERLORE IS. GLO OPNUUT IN HOM. WIE IN HOM GLO GAAN NOOIT HOOR "YOU ARE THE WEAKEST LINK" NIE. HULLE HOOR NIE ""JY IS 'N' SWAK SKAKEL IN MY KONINKRYK NIE. HULLE HOOR: VREDE VIR JOU IN WIE GOD ‘N WELBEHAE HET